Der Bauer als Millionär

s.j.b – an Asch‘n

A jed’s Jahr – vor da Osterzeit,
da is in Timelkam so weit,
die „Josefsbühne“, die spüt auf,
a jeda gfreit si lang scho‘ drauf.

Do‘ immer is des gleiche Gfrett,
du kriagst so leicht de Kart’n net.
Wei‘ scho a lange Schlang – s’is z’bled,
beim „Erasmus“ in da Raika steht,
und erst im Internet – daucht’s lang,
da wird da ja ganz angst und bang.

Endli a Kart’n – d’Freud is groß,
eini in Pfarrsaal – s’geht glei los.
I sitz gern in da erst’n Reih,
sperr auf de Aug’n und es Mäu‘
und kimm mi’n los’n fast net zaum,
so sche‘ spün’s netta z’Tümikam.

Ma siagt’s, da is a Freud dabei,
a jeda spüt sei Roll’n ja glei
mit so oana Begeisterung,
da is a Zaumhal’n und a Schwung,
a jeda tragt des Beste bei,
es kert a so - ja so soll’s sei.
Sie spü’n so lustig und so keck
und alles für an guat’n Zweck.

Und is des Stück’l nacha aus,
gibt’s nu an riesen Schlussapplaus
und Vorhäng zehn a zwoanzgi soglei,
es mag ja gar koa End‘ net sei,

Und wann dann hoamgeh’n alle Leut,
da san’s zufried’n, ham a Freud,
sie hoffen scho‘ aufs nächste Jahr.
s’wird sicha wieda wunderbar.

Fotogalerie von der Premiere unter http://regionaut.meinbezirk.at/voecklabruck/leute/der-bauer-als-millionaer-begeistert-d142400.html